पोखरा, ३ चैत । प्रधानमन्त्री केपी शर्मा ओलीले नेपाली जनतामा रहेको गरिबी उन्मूलन गरी समृद्धशाली मुलुक बनाउनेतर्पm सरकार लागेकोे बताउनुभएको छ ।
नेकपा (एमाले) कास्कीले आज यहाँ आयोजना गरेको कार्यकर्ता भेलालाई सम्बोधन गर्दै प्रधानमन्त्री ओलीले अबको दुई वर्षमा असाधारण तबरले मुलुकमा विकास हुने दाबी गर्नुभयो ।
प्राकृतिक सम्पदा र सौन्दर्यले भरिपूर्ण पोखराको गुरुयोजनाअनुसार विकासको थालनी गरिने जानकारी दिँदै उहाँले यहाँको पर्यटकीय प्रबद्र्धन तीव्रताका साथ अघि बढाइने बताउनु भयो ।
वर्तमान सरकारले कार्यकर्ताको शीर निहुरिने गरी कुनै काम नगर्ने दृढता व्यक्त गर्दै प्रधानमन्त्री ओलीले पार्टीले देशको हितमा जे नीति तथा कार्यक्रम ल्याउँछ सरकारले त्यसैलाई अगाडि बढाउने धारणा राख्नुभयो ।
प्रधानमन्त्री ओलीले संविधानसभाबाट संविधान जारी हुनु देशको लागि ठूलो उपलब्धि भएको भन्दै नयाँ संविधानले कसैलाई पनि विभेद नगरी समान अधिकार दिएको बताउनुभयो ।
कार्यक्रममा नेकपा (एमाले)का उपाध्यक्ष एवम् उपप्रधानमन्त्री तथा रक्षामन्त्री भीम रावल र सूचना तथा सञ्चार मन्त्री शेरधन राईको पनि उपस्थिति थियो ।
