काठमाडौँ १ चैत्र ।
निजि कम्पनिलाई महङगोमा पेट्रोलियम पदार्थ बिक्रि गर्न दिएको बिरोधमा नेत्रविक्रम चन्द ‘विप्लव’ नेतृत्वको नेकपा माओवादीले आज नेपाल आयल निगम घेराउ गरेको छ ।
विराट पेट्रोलियमलाई महंगो तेल बेच्न दिएको निर्णय तथा भारतीय नाकाबन्दीपछि पनि इन्धनमा कृत्रिम अभाव सिर्जना गरी कालोबजारी भईरहेको बिरोधमा माओवादीले विरोध प्रदर्शन गरेको हो ।
शान्तिबाटिकाबाट निस्किएको विरोध र्याली बबरमहलस्थित निगमको कार्यलय पुगेर कोणसभामा परिणत भएको थियो ।
निगमबाट ९९ रुपंैयामा उपभोक्ताले प्राप्त गरी राखेको पेट्रोललाई विराटलाई १३० रुपंैयामा बिक्री गर्दै आएको थियो ।
विरोध र्यालीको अगुवाई केन्द्रीय सदस्य मोहन कार्कीले गर्नु भएको थियो ।
र्याली पछि आयोजित कोण सभालाई सवोधन गर्दै माओवादी काठमाण्डौं जिल्ला सचिव माईला लामाले भ्रष्टाचार र कमिसनका लागि विराटलाई तेल बेच्न दिएको भन्दै सार्वजनिक सम्पत्ति निजीकरण गरेर देश कंगाल बनाउने कदमको विरुद्ध संघर्ष गर्ने चेतावनी दिनु भयो ।
