३० फागुृण एजेन्सी । भारतमा जारी आईसीसी टि ट्वेन्टी विश्व कप क्रिकेट अन्तर्गत सुपर १० का लागि आज अन्तिम खेल हुदै छ ।
आजको खेलमा बंगलादेश र ओमन तथा आयरल्याण्ड र नेदरल्याण्डबीच खेल हुदै छ । दिउसो सवा ३ बजे पछि नेदरल्याण्ड र आयरल्याण्ड तथा साझ सवा ७ बजे बंगलादेश र ओमनबीच खेल हुने छ ।
यस समुहबाट बंगलादेश हाल सम्म शीर्ष स्थानमा रहेको छ । तर उसले सुपर १० मा पुग्न ओमनलाई हराउनै पर्ने छ ।
अर्को समुहबाट एसोसिएट राष्ट्रबाट उत्कृष्ट प्रदर्शन गर्दै अफ्गानिस्तानले आईसीसी टि ट्वेन्टी विश्वकप क्रिकेटको सुपर १० टिम भित्र पर्न सफल भएको छ ।
शनिबार टेष्ट राष्ट्र जिम्वावेलाई ५९ रनले हराउदै अफ्गानिस्तान माथि उक्लिएको हो । आक्रामक व्याटीङ गर्दै अफ्गानिस्तानले २० ओभरमा १ सय ८६ रन बनाएर जिम्वावेका लागि कडा चूनौती तयार पारेको थियो । जिम्वावेलाई १९.४ ओभरमा १ सय २७ रनमा जिम्वावे अल आउट भए पछि अफ्गानिस्तानको बाटो सहज बनेको हो ।
