काठमाडौ ३ फागुन ।
भारतमा जारी १२ औं दक्षिण एसियाली खेलकुद सागमा नेपाली पुरुष फुटबल टिमले उपाधिका लागि आज भारतसँग खेल्दैछ ।
१७ वर्षपछि फाइनलमा पुगेको नेपाल उपाधि प्राप्त गर्न निकै विश्वस्त देखिएको छ । नेपालले सेमिफाइनलमा माल्दिभ्सलाई ४–३ ले पराजित गर्दै उपाधि यात्रा तय गरेको हो ।
नेपाली टोली उच्च मनोबलका साथ भारतविरुद्ध मैदान उत्रिने प्रशिक्षक राजुकाजी शाक्यले बताए । नेपालले यसअघि सन् १९८४ र १९९३ मा उपाधि जितेको थियो ।
भारतले बंगलादेशलाई ३–० ले पराजित गर्दै नेपालसँगको फाइनल भिडन्त तय गरेको हो । खेल नेपाली समय अनुसार आज बेलुकी सवा ७ बजे सुरु हुनेछ ।
यसैबीच फुटबलकै महिलातर्फ पनि उपाधिका लागि नेपालले भारतसाग प्रतिस्पर्धा गर्दैछ । राउन्ड रोविन लिगका आधारमा गराइएको प्रतियोगितामा शीर्ष स्थानको नेपाल र दोस्रो स्थानको भारत स्वर्ण पदकका लागि भिड्न लागेका हुन् ।
खेल आज अपरान्न सवा ४ बजे शुरु हुनेछ । समूह चरणमा भारतसँग गोलरहित बराबरी खेलेको नेपाली टिम उच्च मनोबलका साथ स्वर्ण जित्न आतुर रहेको प्रशिक्षक धु्रव केसीले बताए ।
