फागुण १ काठमाण्डौं । एकीकृत नेकपा माओवादीका अध्यक्ष पुष्पकमल दाहाल प्रचण्डले अबको दुई वर्ष भित्र माओवादी पार्टीलाई देशकै शक्तिशाली पार्टी बनाउने बताउनु भएको छ । २१ औं जनयुद्ध दिवसको अवसरमा पार्टी मुख्यालय पेरिसडाडामा आयोजिक कार्यक्रममा अध्यक्ष प्रचण्डले विभाजित भएका माओवादीहरुमा पनि एकताको महसुस हुन थालेको दावी गर्दै सबै देशभक्त र क्रान्तिकारीहरुबीच एकता हुनु आवस्यक रहेको बताउनु भयो । उहॉले जनयुद्ध नभएको भए अहिले पनि समाजभित्र सामन्ति परम्परागत प्रवृति हावी भईरहने थियो भन्नु भयो ।
उता क्रान्तिकारी माओवादीका अध्यक्ष मोहन बैद्यले माओवादीहरुबीच तत्काल एकता हुन गाह्रो भएको बताउनु भयो ।
पार्टी एकता बिचारका आधारमा पनि हुने भएकाले तत्काल एकता हुन नसक्ने बताउनु भयो । जनयुद्ध दिवसको अवसरमा पार्टीले आयोजना गरेको कार्यक्रममा अध्यक्ष बैद्यले यस्तो बताउनु भएको हो ।
