फागुन १, काठमाण्डौं । भारतमा जारी १२ औ दक्षिण एसियाली खेलकुद सागको पुरुष फुटबलमा फाईनल प्रवेशका लागि नेपाल र माल्दिभ्सबीच आज प्रतिस्पर्धा हुदैछ ।
उपविजेता बन्दै सेमिफाईनल प्रवेश गरेको नेपाल आजको खेलमा माल्दिभ्सलाई हराएर १७ बर्षपछि सागको फाईनल यात्रा तय गर्ने योजनामा छ । खेल गुवाहाटीमा रहेको इन्दिरा गान्धी स्टेडियममा साझ सवा ७ बजे सूरु हुनेछ ।
चोटका कारण बंगलादेशबिरुद्धको खेलमा नेपालले मुख्य खेलाडीहरु बिमल घर्तिमगर, अन्जन विष्ट, नवयुग श्रेष्ठ र गोलकिपर विकेस कृथुलाई आराम दिएको थियो । समुह चरणको खेलमा भुटानबिरुद्ध ह्याट्रिक गरेका स्ट्राईकर नवयुग चोटका कारण खेल्ने निश्चित भइसकेको छैन् ।
तर अन्जन र बिमलले आज खेल्ने छन् ।
सन् १९९४ र १९९३ मा साफमा स्वर्ण जितेको नेपाल त्यसयता सागमा फाईनल प्रवेश गर्न सकेको छैन् । बंगलादेशमा बंगबन्धु गोल्डकप जितेपछि भारत प्रस्थान गरेको नेपाललाई प्रतियोगिताको दाबेदार मानिएको छ ।
२३ बर्ष मुनिका अधिकांश खेलाडी सहभागि प्रतियोगितामा समूह चरणको अन्तिम खेलमा बंगलादेशसंग पराजित भएको थियो । अर्को सेमिफाईनलमा आजै भारत र बंगलादेशबीच प्रतिस्पर्धा हुनेछ ।
