काठमाडौं, फागुन १ । नेपालले १२ औं साग गेम्स अन्तर्गत महिला फुटबलको उपाधीका लागि फेरी भारत विरुद्ध खेल्ने भएको छ । यस अघि लगातार भारत विरुद्ध खेल्दै आएको नेपालले फेरी पनि भारतलाई नै प्रतिद्धन्दीको रुपमा पाएको छ ।
आज भएको लिग चरणको अन्तिम खेलमा नेपालले श्रीलकालाई र भारतले बंगलादेशलाई हराए पछि उपाधीका लागि फाईनल समिकरण तय भएको हो ।
नेहरु स्टेडियममा भएको समूहको अन्तिम खेलमा नेपालले श्रीलंकालाई ४ शुन्यले स्तब्ध बनाउँदै अपराजित यात्रा कायम राखेको छ । समूहको शीर्षस्थानमा रहेको नेपालले खेलको सुरुआत देखिनै श्रीलंकालाई दबावमा राखेको थियो।
खेलको सुरुआती १५ मिनेटभित्र पहिलो गोल गरेको थियो । मनमाया लिम्बुले डि बक्सबाहिरबाट प्रहार गरेको फ्रि किकमा श्रीलंकन खेलाडीले आत्मघाती गोल गरेका थिए ।
नेपालकी खेलाडी सावित्रा भण्डारीले खेलको ६३ र ७४ औँ मिनेटमा गोल गरेकी थिएन यस्तै खेलको ७९ औँ मिनेटमा सपना लामाले गोल गरेकी हुन ।
योसंगै नेपाल समूहमा १० अंकका साथ पहिलो स्थानमा रहदै फाइनलमा पुगेको छ । नेपालले यसअघि भारतसंग बराबरी, बंगलादेशलाई ३ शुन्य, मालदिभ्सलाई २ शुन्यले हराएको थियो ।
