काठमाण्डौं,२२माघ ।
आईसीसी अन्डर १९ विश्वकपमा सेमिफाईनल प्रवेशका लागि नेपाल अहिले आयोजक बंगलादेशसंग भिडदैछ ।
मिरपुरको शेरे बंगला नेस्नल स्टेडियममा टस जितेर व्याटिङ्ग गरेको नेपालले मध्यम प्रदर्शन गरिरहेको छ । नेपाले छैटौं विकेटका रुपमा राजविर सिंह ९ रनमा आउट भएका छन ।
नेपालका कप्तान राजु ६ चौका र एक छक्कासँगै अर्धसतक पुरा गरेर ७२ रनमा आउट भए । आरिफ शेख २१, सुनिल धमला २५, सन्दिप सुनार सात तथा योगेन्द्र सिंह कार्की एक रन बनाएर आउट भए । धमला र रिजाल रन आउट भएका हुन् ।
समुह चरणमा अपराजित रहदै बंगलादेश समुह विजेताको रुपमा क्वाटरफाईनल प्रवेश गरेको हो । नेपालले भने सुमह डि को उपविजेता बन्दै वंगलादेशसंगको भेट पक्का गरेको हो ।
डिफेन्डिङ च्याम्पियन दक्षिण अफ्रिकालाई समुह चरणमा ४३ रनले पराजित गरेको बंगलादेशले अन्य दुई एसोसिएट टिम स्कटल्याण्डलाई १ सय १४ र नामिवियालाई ८ विकेटले पराजित गरेको थियो । समुह चरणको प्रभावशाली प्रर्दशनले बंगलादेशलाई उपाधिको दाबेदारको रुपमा हेरिएको छ ।
समुह चरणमा नेपालले टेष्ट मान्यता प्राप्त न्युजिल्याण्डलाई ३२ रनले स्तब्ध बनाएको थियो भने आयरल्याण्डलाई ८ विकेटले पराजित गरेको थियो ।
