काठमाडौं,२२ माघ ।
बंगलादेशमा जारीे अण्डर १९ विश्वकप क्रिकेट प्रतियोगिताको क्वाटरफाइन खेल आजदेखि सुरु हुँदैछ । नेपालले आज आयोजक बंगलादेशसँग खेल्दै प्रतिस्र्धा गर्दै छ ।
खेल नेपाली समय अनुसार बिहान पौने ९ बजे ढाकाको शेर बंगाल रंगशालमा सुरु हुनेछ ।
भारतसँग सात विकेटले पराजित भएर समूह डीको उपविजेता बनेको नेपालले क्वाटरफाइनलमा समूह ए को विजेता बंगलादेश प्रतिस्पर्धी पाएको हो ।
यो खेल जित्न सके नेपाली क्रिकेटले विश्वकपको सेमिफाइनलमा पुगेर नयाँ इतिहास रच्ने छ ।
पराजित भएमा पाँचौं स्थानका लागि भोली भारत र नामिबियाबिच हुने दोस्रो क्वाटरफाइलनमा पराजित टेलीसँग प्लेअफ म्याच खेल्ने छ ।
आफैमा बलियो टिम बंगलादेशलाई घरेलु मैदान र दर्शकको साथ छ । तर नेपाली टोली अहिले निकै लयमा रहेको तथा बलिङ, ब्याटिङ तथा फिल्डिङ सबै पक्ष समान रहेकाले बंगलादेशसँगको प्रतिस्पर्धाका लागि तयार रहेको छ ।
बंगलादेश बलियो प्रतिद्वन्दी भएकाले त्यसै अनुसारको प्रतिस्पर्धाका लागि नेपाली टिम तयार रहेको प्रशिक्षक जगत टमाटाले बताएका छन् ।
नेपाल र बंगलादेश दुवै अहिलेसम्म प्रतियोगिताको सेमिफाइनलसम्म पुग्न सकेका छैनन् । यसैले दुवैलाई यो खेल इतिहास रच्ने मौका हो ।
