काठमाडौं, ११ माघ ।
पोखरामा जारी १४ औं आहा–रारा गोल्डकपको अन्तिम क्वाटरफाइनलमा आज विभागिय टोली त्रिभुवन आर्मी क्लब र थ्रिस्टार क्लब भिड्नेछन् ।
थ्रिस्टार क्लवलाई सिधै प्रतियोगिताको क्वाटरफाईनलमा स्थान दिइएको हो भने आर्मी क्लव जावलाखेल युथ क्लवलाई हराउँदै क्वाटरफाइनलमा पुगेको हो ।
यसअघि हिजो भएको खेलमा भारतको गोर्खा ब्रिगेडलाई २–० ले पराजित गर्दै मनाङ मस्र्याङ्दी क्लव सेमिफाइनल प्रवेश गरेको छ । निर्धारित ९० मिनेटमा दुवै टोलीबाट गोल हुन नसकेपछि थपिएको २० मिनेटमा दुई गोल गर्दै मनाङले आफ्नो उपाधि दावेदारी प्रस्तुत गरेको हो ।
मनाङका लागि अमित तामाङ र ओलावाले अफिजले एक–एक गोल गरे । यसअघि ९५ औं मिनेटमा प्रशान्त गुरुङ दोहोरो पहेंलो कार्ड खाँदै मैदानबाट बाहिरिएपछि गोर्खा ब्रिगेड १० खेलाडीमा सिमित भएको थियो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
