काठमाडौं, ८ माघ ।
बङ्गबन्धु गोल्डकप फुटबलको उपाधिका लागि नेपालले आज बहराइनसँग प्रतिस्पर्धा गर्दैछ ।
सेमिफाइनलमा बलियो मानिएको माल्दिभ्सलाई ४ – १ ले पाखा लगाएको नेपालले त्यसैअनुसार सुदृढ प्रदर्शन गर्न तयार रहेको प्रशिक्षक बालगोपाल महर्जनले बताए ।
खेल नेपाली समय आुसार बेलुकी पौने ५ बजे बंगलादेशको ढाकामा रहेको बङ्गबन्धु रंगशालामा हुनेछ ।
झण्डै १७ वर्षको अन्तरालमा अन्तराष्ट्रिय स्पर्धामा नेपाल पहिलो पटक फाइनलमा पुगेको हो । यसअघि नेपालले सन् १९९९ मा दक्षिण एसियाली खेलकुद प्रतियोगितामा फाइनल खेल खेलेको थियो ।
त्यस प्रतियोगिताको सेमिफाइनल खेलमा नेपालले माल्दिभ्सलाई ४–१ गोलअन्तरले पराजित गर्दै फाइनल चरणमा आफ्नो यात्रा सुनिश्चित गरेको हो ।
यस अवधिसम्म करिब १२ खेल खेलेको नेपालले कुनै पनि खेलमा जित हासिल गर्न सकेको थिएन । लगातार १० खेलमा नेपालले एउटा पनि गोल गर्न सकेको थिएन।
