काठमाडौं, १ माघ ।
नेत्र विक्रम चन्द ‘विप्लव’ नेतृत्वको नेकपा माओवादीका पोलिटब्युरो सदस्य एव्म भेरी कर्णली राज्य इन्चार्ज भरत बम ‘रणबीर’ ले राष्ट्रियतालाई धरापमा पार्न खोजिए बम पट्कीन सक्ने बताउनु भएको छ ।
नेकपा माओवादीका निकट राष्ट्रिय युवा जनस्वयमसेवकको मेची ÷महाकाली एकीकृत युवा अभियानको समापन कार्यक्रलाई सम्बोधन गर्दै नेता रणबीरले विभिन्न वहानमा राष्ट्रियतामाथि प्रहार गर्न खोजिए नेकपा माओवादीले त्यसको शसक्त प्रतिकार गरिने बताउनु भयो ।
गत मंसिर १५ गते सुदुरपुर्वको झपाबाट सुरु गरिएको अभियान हिजो सुदुरपश्चिमको कञ्चनपुर पुगेर समापन गरिएको राष्ट्रिय युवा जनस्वयमसेवकका केन्द्रिय सचिव किरन केशबले जानकारी दिनुभयो ।
राष्ट्रिय स्वाभिमान र जन अधिकार प्राप्तिका लागि जनता जागृत गर्न र नेकपा माओवादीले क्रान्ति जारी राखेको छ भन्ने सन्देश प्रवाह गर्ने उदेश्यले जनस्वयमसेवकले यो अभियान थालेको हो ।
युवा अभियानसंगै सामाना परिवारको साँस्कृतिक कार्यक्रम पनि समावेश गरिएको थियो । अभियानका क्रममा सामना परिवारका कलाकारहरुले पुर्व मेचीदेखि पश्चिम महाकालीसम्म विभिन्न स्थानमा कलात्मक साँस्कृतिक प्रस्तुती प्रस्तुत गरेका थिए ।
राष्ट्रियता बेच्नेलाई चुनौती दिन युवा जनस्वयमसेवकको अभियान सफल भएको उहाँले दाबी गर्नुभो । साथै देशको अहिलेको संकट हल गर्न क्रान्तिकारी र रास्ट्रबादी सबै जनता एक हुनका लागि समेत नेता रणबीरको अनुरोध छ ।
