काठमाडौं,२५ पुस । बंगलादेशमा जारी बंगबन्धु गोल्डकप फुटबलमा नेपालले आफ्नो पहिलो खेलमा आज मलेसियासँग गोल रहित बराबरी खेलेको छ । आक्रमक खेलका बाबजुद नेपालले यस खेलमा पनि गोल गर्न सकेन । यो बराबरीसगै नेपाल र मलेशियाले एक एक अंक बाडेका छन् । पौष २८ मा नेपालले श्रीलका विरुद्ध प्रतिस्पर्धा गर्ने छ ।
आयोजक बंगलादेशसहित आठ टोलीको सहभागिता रहेको प्रतियोगितमा नेपाल समूह ए मा छ ।समूह ए मा नेपालसहित मलेसिया, श्रीलंका र आयोजक बंगलादेश छन् भने समूह बी मा बंगलादेशको २३ वर्ष मुनिको टोली, कम्बोडिया, बहराइन र माल्दिभ्स छन् ।
नेपालले समूह चरणको दोस्रो खेलमा पुस २८ गते श्रीलंका तथा पुस ३० गते आयोजक बंगलादेशसँग खेल्नेछ ।
विराट महर्जनको कप्तानी रहेको नेपाली टोलीमा अधिकांश २३ वर्षमुनिका खेलाडी छन् । नेपालकोे यो प्रतियोगिता आउँदो माघ २३ गतेदेखि भारतमा हुने दक्षिण एसियाली खेलकुद सागको तयारी स्वरुप हो ।
