काठमाडौ १२ पौष ।
भारतको केरलामा जारी ११ साफ च्याम्पियनसीपमा आज नेपालले आयोजक भारतको सामना गर्दैछ । खेल जेपाली समय अनुसार साँझ पौने सात बजेपछि केरला स्थित त्रिवेन्द्रम रंगाशालामा हुनेछ ।
आफ्नो पहिलो खेलमा श्रीलंकासँग १–० ले पराजित भएको नेपाल प्रतियोगिताको अघिल्लो चरणमा पुग्नका लागि आजको खेल जित्नै पर्ने दवावमा छ । आज भारतलाई पराजित गर्न नसके नेपाल समुह चरणबाटै बाहिरिनेछ ।
समुह ए बाट भारत र श्रीलंकाले १÷१ जित हात पार्दै समान ३ अंक जोडेको छ भने गोलअन्तरका आधारमा आयोजक भारत समुहको शिर्ष स्थानमा छ । भारतविरुद्ध १–० को मात्र जीत हात पर्ने नेपाल अर्को चरणमा प्रवेश गर्नेछ ।
सन् २०१३ मा भएको खेलमा नेपालले भारत पराजित गरेको थियो । त्यसपछि नेपाल र भारतबीच भएको चार खेलमा दुई खेल भारतले जितेको छ भने दुई खेल बराबरीमा टुङ्गिएको थियो । त्यसकारण पनि नेपालले भारतलाई पराजित गर्नु लाई चुनौतीको रुपमा लिएको छ ।
