काठमाडौं, २८ मंसिर ।
अनिल गुरुङको कप्तानीमा नेपालले साफ सुजुकीकप २०१५ खेल्ने भएको छ ।
राष्ट्रिय टोलीका प्रशिक्षक प्याट्रिक यजुम्सले आज एन्फा कम्प्लेक्समा पत्रकार सम्मेलन गरि अनिलको नेतृत्वमा २० सदस्यिय राष्ट्रिय टोलीको घोषणा गरिएको हो ।
आगामी पौष आठ देखि भारतमा हुने खेलका लागि घोषीत टोलीका अन्य सदस्यामा किरण चेमजोङ, बिकेश कुथु र अमृत चौधरी गोल किपर रहेका छन ।
यसैगरि फरवार्डमा अन्जन विष्ट, नबयुग श्रेष्ठ, विमल घर्तिमगर, जगजीत श्रेष्ठ र नबिन लामा रहेका छन । यसअघि जगजित र नबिन मिडफिल्डमा खेल्दै आएका थिए ।
त्यस्तै मिडफिल्डरमा रोहित चन्द, हेमन्त गुरुङ, बिक्रम लामा, विशाल राई र योगेश गुरुङ रहेका छन ।
यसअघि डिफेन्समा खेल्दै आएका रोहित चन्द मिडफिल्डमा तानिएका छन । यस्तै रक्षापंक्तिमा विराज महर्जन, रविन श्रेष्ठ, जितेन्द्र कार्की, अन्न्त तामाङ आदित्य चौधरी र रञ्जित धिमाल रहेका छन ।
अमृत चौधरी , नबीन लामा, हेमन गुरुङ र योगेश गुरुङले राष्टिय टोलीमा पहिलो पटक मौका पाएका हुन ।
सागर थापासहित पुर्व महत्वपुर्ण खेलाडिहरु म्याच फिक्सीको अभियोगमा मुद्दा खेपिरहेका कारण र जुमानु राई सन्तोष साहुखल, लगाएत केहि पुराना खेलाडिहरुले भने मौका पाएका छैनन ।
