काठमाडौ २६ मंसिर । बिबिसीले प्रत्येक वर्ष प्रदान गर्दै आएको अफ्रिकन वर्ष फुटबलर २०१५ को उपाधि याया टुरेले जितेका छन् ।
अवार्डका लागि याया टुरेले सबै भन्दा बढी मत पाएर अफ्रिकन वर्ष फुटबलरको उपाधि जितेका हुन् ।
यासिन ब्राहिमी, पियरे एमरिक औबामायाङ, अन्ड्रे आयु र साडियो मेनलाई पछि पार्दै ३२ वर्षीय आइभरी कोस्टका मिडफिल्डर टुरेले दोस्रो पटक यो उपाधि हात पारेका हुन् ।
इंग्लिस क्लब म्यानचेस्ट सिटीबाट व्यावसायिक फुटबल खेल्ने टुरले यसअघि सन् २०१३ मा पनि यो उपाधि जितेका थिए । उपाधि पाउँदा आफू निकै खुशी भएको टुरेले बताएका छन् ।
यसअघि नाइजेरियाको नोवान्को कानु र जय जय आकोकाले दुई पटक यो उपाधि जितेका थिए । बिबिसीले सन् २००० देखि फुटबल समर्थकको मतको आधारमा एक जना खेलाडीलाई अफ्रिकन वर्ष फुटबलरको उपाधिले सम्मान गर्ने गरेको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
