काठमाडौ २३ मंसिर ।
म्यानचेस्टर सिटी च्याम्पियन्स लिग फुटबलको समुह डीको शीर्ष स्थनमा पुगेको छ । गएराति सम्पन्न समुह डी अन्तर्गतको खेलमा म्यानचेस्टर सिटीले बोरुसिया मानचेङग्लोबाचलाई ४–२ ले पराजित गर्यो ।
खेलको १६ औं मिनेटमा डेभिड सिल्भाले गोल गर्दै म्यानचेस्टर सिटीलाई सुरुवाती अग्रता दिलाएका थिए । १९ औं मिनेटमा मानचेङग्लोबाचका जुलियान कार्बले बराबरी गोल फर्काए ।
४२ औं मिनेटमा काइटानो डी अराउजुले गोल गरेपछि पहिलो हाफमा मानचेङग्लोबाच २–१ ले अघि रह्यो । रहिम स्टर्लिङले ७९ र ८१ औं मिनेटमा गरी दुई गोल गरेपछि सिटीले ३–२ को अग्रता लियो । ८५ औं मिनेटमा विलफ्रेड बोनीले गोल गर्दै सिटीलाई ४–२ को जित दिलाए ।
अन्तिम १६ मा स्थान बनाएको सिटी १२ अंक सहित समुह डीको शीर्ष स्थानमा उक्लिएको छ । डी अन्तर्गत कै गएराति सम्पन्न खेलमा सेभिल्लाले युभेन्टसलाई १–० ले पराजित गरेको छ ।
