काठमाण्डौ,१७ मंसिर ।
जाजरकोटका अधिकांश बालबालिकाले शुक्रबार र शनिबार खोटो सङ्कलन गर्ने र बाकस बोकेर पढाइ खर्च जुटाउने गरेका छन ।
आर्थिक अवस्था कमजोर भएका जिल्लाको खगेनकोट, ढिमे र लहँ गाविसका सयाँै विद्यार्थी खोटो सङ्कलन गर्ने बाकसका भाडा बोकेर रकमको जोहो गर्न थालेका हुन ।
ति तीनवटा गाविसमा बङ्गलामुखी र सूर्यमुखी कम्पनीले खोटो सङ्कलन गरिरहेका छन् । प्रतिबाकस बोकेबापत रु आठ रुपैयाँ पाइने र त्यसलाई जम्मा गरेर पढाइ खर्च चलाउने गरेको पञ्च भयार मावि खगेनकोट–७ जिकुवामा कक्षा ६ मा पढ्ने धनवीर चदाराले बताए ।
खगेनकोटका अधिकांश दलित बालबालिका शुक्रबार र शनिबार बाकस बोक्न रुकुमको राडीमा पुग्ने र करिब चार घन्टाको उकालो बाटो खोटो सङ्कलन गर्ने खाली बाकस बोकेर मन्सिरी, लुपाना, काडाँलुपाना, भर गाउँ भई रकम बुझेर फर्कने गरेको स्थानिय प्रेम मल्लले जानकारी दिए ।
