काठमाडौं, ५ मंसिर ।
जोस बटलरको कीर्तिमान शतकसँगै इंग्ल्याण्डले पाकिस्तानविरुद्धको चौथो एकदिवसीय क्रिकेट ८४ रनले जितेको छ । साथै उसले चार म्याचको सिरिज ३–१ ले जितेको छ ।
अबुधाबीमा विकेठ किपर ब्याट्सम्यान बटलरले ४६ बलमा शतक पुरा गरे, जुन इंग्ल्याण्डको वनडेमा फास्टेस्ट शतक हो । यसअघि उनले २०१४ मा श्रीलंकाविरुद्ध ६१ बलमा शतक बनाएका थिए ।
उनको अविजित ११६ रनको मदतमा इंग्ल्याण्डले ५० ओभरमा ५ विकेट गुमाएर ३३५ रन बनायो ।
ओपनर जेसन रोयले पनि शतक पुरा गरे । उनले १०२ रन बनाए भने जोए रुटले ७१ रन जोडे ।
जवाफमा मैदान उत्रिएको पाकिस्तान ४०.४ ओभरमा २७१ रन जोड्दा अलआउट भयो । उसका लागि बाबर आजमले ५१ र शोएब मल्लिकले ५२ रन बनाए भने अजहर अलीले ४४ रन जोडे ।
मोइन अली र आदिल रसिदले ३–३ तथा डेभिड विलीले २ विकेट लिए । बटलर प्लेयर अफ दि म्याच र प्लेयर अफ दि सिरिज घोषित भए ।
