अछाम, २४ कार्तीक ।
अछाममा जातिय भेदभाव बिरुद्धको ऐन आएपछिको पहिलो मुद्धा दर्ता भएको छ ।
जिल्लाको मंगलसेन नगरपालिका वडा नं. ६ निवासी बिर्ख बिकले सोही ठाउँका बेदप्रसाद भण्डारीका नाममा दिनुभएको जातिय छुवाछुत बिरुद्धको मुद्धा जिल्ला प्रहरी कार्यालय अछाममा दर्ता भएको हो ।
जिल्ला प्रहरी कार्यालय अछाममा पहिलो पटक जातिय भेदभाव बिरुद्धको मुद्धा दर्ता भएको जिल्ला प्रहरी कार्यालय अछामले जनाएको छ ।
जिल्ला प्रहरी कार्यालय अछामका प्रहरी नायव उपरीक्षक डिएसपी दिलीपसिंह देउवाले जिल्ला प्रहरी कार्यालयमा जातिय भेदभाव बिरुद्धको मुद्धा पहिलो पटक दर्ता भएको जानकारी दिनुभयो ।
यद्यपी दोषी अझै पक्राउ नपरेको उहाँले बताउनुभायो । पिडीत बिकका अनुसार आफुलाई भण्डारीले परम्परागत रुपमा आफ्नो घरको काम गर्नु पर्ने भन्दै दवाव दिने गर्दैआएका छन् ।
बाबु बाजेले गर्दै आएको आरन व्यवसाय गर्नु पर्ने, काठ दाउरा लगायत घरको काम गर्नु पर्ने भन्दै उनले निरन्तर दवाव दिने गरेकाले अन्याय सहन नसकि बिकले प्रहरीमा ऐन आएपछिको.उजुरी दिएका हुन् ।
जातिय भेदभाव बिरुद्धको ऐन आई सक्दा पनि अझै दलितहरु कथित उपल्लो जातका ब्राम्हणहरुबाट हेपिनुपरेको बताउँदै उहाँले आफु एक सचेत नागरिक भएर पनि यस्तो पीडा खेप्नु परेको गुनासो गनुभयो ।
आफुलाई बाबुबजेले गर्दै आएको काम तिमीले पनि गर्नु पर्छ होईन भने यहाँ बस्न पाउँदैनउ भन्दै पिडकले बारम्बार धम्काउने गरेको पनि उनले बताए ।
लामो समय देखिको संघर्ष पछि आफु सफल भएको बिकाले बताए । उहाँको मुद्धा अधिबक्तत खड्क खड्काले हेर्नुभएको थियो ।
