काठमाडौं, १ कार्तिक ।
रियल मड्रिड स्पेनिस ला लिगा फुटबलको शीर्ष स्थानमा उक्लिएको छ ।
गएराति भएको खेलमा लेभान्टेलाई ३–० ले हराएको रियल मड्रिड शीर्ष स्थानमा उक्लिएको हो । २७ औं मिनेटमा मार्सेलोले गोल गर्दै रियल मड्रिडलाई सुरुवाती अग्रता दिलाएका थिए ।
३० औ मिनेटमा क्रिष्टियानो रोनाल्डोले गोल गर्दै रियलको अग्रता दोब्बर पारेपछि ८१ औं मिनेटमा जेसेले गरेको गोलबाटे मड्रिड ३–० ले विजयी भयो । जितपछि शीर्ष स्थानमा उक्लिएको रियल मड्रिडको ८ खेलबाट १८ अंक भएको छ ।
गएतरातिको खेलमा एक गोल गरेका क्रिष्टियानो रोनाल्डो औपचारीक रुपमा रियल मड्रिडका सर्वा्धिक गोलकर्ता बनेका छन् । उनले लेभान्टे विरुद्ध गरेको गोल रियलका लागि गरेको तीन सय २४ औं गोल हो ।
सन् २००९ मा इंग्लिस क्लब म्यानचेस्टर युनाइटेडबाट रियल गएका रोनाल्डोले मात्रै तीन सय १० खेलबाट तीन सय २४ गोल गरेका हुन् ।
यसअघि सर्वा्धिक गोलकर्तारहेका राउलको कीर्तिमानमा बराबरी गरेका रोनाल्डोले ३ सय २४ औं गोल गरेपछि औपचारीक रुपमा राउलको कीर्तिमान तोड्दै सर्वा्धिक गोलकर्ता बनेका हुन् ।
सन् १९९४ देखि २०१० सम्म रियलमा रहेका राउलले सात सय ४१ खेलबाट रियलका लागि ३ सय २३ गोलगरेका थिए ।
