अछाम १ असोज ।
एसएलसी पूरक (मौका) परीक्षाको परीक्षाफल आज सार्वजनिक भएको छ ।
२०७१ सालको एसएलसी परीक्षामा दुई विषयसम्म अनुतीर्ण हुने परीक्षार्थीका लागि गएको साउन २० देखि ३० गतेसम्म सञ्चालन भएको मौका परिक्षामा अछाममा ८२ दशमलव ५८ प्रतिशत परिक्षार्थि उतिर्ण भएका छन ।
जम्मा २ हजार २ सय ४२ जनाले पुरक पाएकोमा २ हजार १ सय ८७ जनाले परिक्षा दिएका थिए । जसमध्ये १ हजार ८ सय ६ जना उतिर्ण भएका जिल्ला शिक्षा कार्यालय अछामका परिक्षा फाँट प्रमुख श्यामबाबु शाहले जाँनकारी दिए ।
पछिल्लो समय बिद्यार्थिमा पढ्ने बानीको विकास हुनुले उतिर्ण दर बृद्धि भएको हुनसक्ने शिक्षाको अनुमान रहेको छ । यस्तै परिक्षा हलको बातावरण र अन्य ब्यावस्थापनले गर्दा पनि उतिर्ण दरमा बृद्धि भएको जिल्ला शिक्षा कार्यालयको दावि रहेको छ ।
यसैबिच परीक्षा नियन्त्रण कार्यालय सानोठिमीका अनुसार परीक्षामा देशभर कुल ८३ हजार ७८ जना अर्थात् ६६.९३ प्रतिशत परीक्षार्थी उत्तीर्ण भएका छन ।
परीक्षा नियन्त्रक विष्णुबहादुर द्धारेका अनुसार परीक्षामा छात्रतर्फ ५५ हजार ३८२ र छात्रातर्फ ६८ हजार ७४६ जना गरी एक लाख २४ हजार १२८ परीक्षार्थी सहभागी भएका थिए । जसमा छात्रतर्फ ३८ हजार ३९९ जना र छात्रातर्फ ४४ हजार ६७९ जना उत्तीर्ण भएका छन् ।
