काठमाण्डौ,२२ भदौ ।
खेलकुदको क्षेत्रमा खेलको राजा मानीने फुटबल केही समययता नेपालमा ओझेलमा पर्न लागेको भन्दै फुटबल जोगाउ भन्ने नाराका साथ धरानमा धरान फुटबल फयान क्लबको गठन गरिएको छ ।
आज धरानको पत्रकार महासंघको सभाहलमा एक पत्रकार सम्मेलनको आयोजना गरि सो क्लवको गठन गरिएको क्लबका महासचिव रामकृष्ण खडकाले जानकारी दिनुभयो ।
सम्मेलनमा बिगत केही समयदेखी एन्फाका अध्यक्ष गणेश थापा ,खेल पदाधिकारिहरु र सम्बन्धीत निकायका बिवादका कारण नेपालको फुटबल ओझेलमा पर्न लागेको भन्दै सो बिवादलाई सामाधान गर्नका लागी सहजकर्ताको भुमिका खेल्नका लागी पनि सो क्लबको गठन गरिएको क्लबका अध्यक्ष अशोक राईले बताउनुभयो ।
उहाले बिगतका दिनमा पुर्वाअञ्चलमा हुदै आएको ठुलठुला खेलहरु बिवादकै कारण हुन छाडेकोले पनि यस्ता क्लबको गठन हुनु जरुरी रहेको बताउनुभयो । कुनै पनि अवस्थामा फुटबल खेललाई जोगाउनुपर्नै बताउदै राईले यसका लागी १७ सदस्य कार्यसमिति नै चयन गरेको बताउनुभयो ।
जसको उपाध्यक्षमा बिक्रम राई,महासचिवमा राम कृष्ण खड्का,सचिवमा उसा राई, र कोषाध्यक्षमा उषा राई रहेका छन ।त्यस्तै सदस्यहरुमा सुभाष कार्की,सुरज कान्छा,आशिष पाख्रिन,सिता राई,जनक सुनुवार,सुनिल गुरुङ्ग लगायत रहेका छन ।
