काठमाडौं, २२ भदौ ।
युरोकप फुटबल छनोट अन्तर्गत गएराती सम्पन्न खेलमा जर्मनी र पोर्चुगल विजयी भएका छन् ।
समुह डी अन्तर्गतको खेलमा जर्मनीले स्कटल्याण्डलाई ३–२ ले पराजित गरेको छ । जितसँगै जर्मनीे अर्को वर्ष हुने युरोकप फुटबलमा सोझै छनोट हुने सम्भावना बलयिो बनेको छ ।
यस्तै स्कटल्याण्डको यात्रा भने कठिन बनेको छ । समुहका अन्य खेलहरुमा पोल्याण्डले जिब्रल्टारलाई ८–१ ले पाखा लगाउदा गणतन्त्र आयरल्याण्डले जर्जियालाई १–० ले पराजित र्गयो ।
उता समुह आई अन्तर्गतको खेलमा पोर्चुगलले अल्बानियालाई १–० ले हराएको छ । सोही समुहको अर्को खेलमा डेनमार्कले अर्मेनीयासँग गोलरहित बराबरी खेल्यो ।
उक्त समुहमा दुई खेल खेल्न बाँकी रहेको पोर्चुगल १५ अंकसहित शीर्ष स्थानमा छ भने एक खेल मात्रै खेल्न बाँकी रहेको डेनमार्क १२ अंकसहित दोस्रो स्थानमा रहदा ११ अंकका साथ अल्बानिया तेस्रो स्थानमा छ ।
युरोकप फुटबलको लागि युरोपका ५३ राष्ट्रले ९ समुहमा विभाजित भएर छनोट प्रतियोगिता खेलिरहेका छन् ।
प्रत्येक समुहका शीर्ष दुई टोली सिधै प्रतियोगिताको लागि छनौट हुनेछन् भने तेस्रो हुने टोलीले प्ले अफ खेल्न पाउनेछन् ।
