काठमाडौ २० भदौ ।
युरो कप फुटबल छनौट प्रतियोगिता अन्तरगत गएराति सम्पन्न खेलमा इङ्गल्याण्ड विजयी भएको छ ।
समुह ई अन्तर्गतको खेलमा इङ्गल्याण्डले सान मारिनोलाई ६/० ले पराजित गरेको हो । जितसँगै इङ्गल्याण्ड आगामी वर्ष फ्रान्समा हुने युरोकप फुटबलका लागि छनौट भएको छ ।
प्रतियोगिताबाट वायन रुनीले देशका लागि सर्वाधिक गोलकर्ता सर बबी चार्लटनको किर्तिमानमा बराबारी गरेका छन् ।
चार्लटन र रुनी दुबै जनाले इंग्लण्डका लागि ४९ गोल गरेका छन् । युरोकप छनौटको अर्को खेलमा इंग्लण्डले आगामी मंगलवार स्विट्जरल्याण्डसँग खेल्नेछ ।
प्रतियोगिता अन्तरगत गएराती नै सम्पन्न अन्य खेलहरुमा स्पेनले स्लोभाकियालाई २/० ले पराजित गरेको छ भने स्विट्जरल्याण्डले स्लोभेनियालाई ३/२ ले हराएको छ ।
यसैगरी युरोकप छनौटकै अन्य खेलहरुमा युक्रेनले बेलारुसलाई ३/१ ले, रुसले स्विडेनलाई १/० ले तथा अष्ट्रियाले मल्दोभालाई १/० ले हराएका छन् ।
