काठमाडौं, १७ भदौ ।
अन्तरष्ट्रिय मान्यताप्राप्त नेपाल ओलम्पिक कमिटी एनओसीको चुनाव आज हुँदैछ ।
आज हुन लागेकोे चुनावको अध्यक्ष पदका लागि उपाध्यक्ष उमेशलाल श्रेष्ठ र महासचिव जीवनराम श्रेष्ठबीच प्रतिस्पर्धा हुनेछ ।
एनओसीका अनुसार चार जना उपाध्यक्ष र एक जना कोषाध्यक्ष निर्विरोध निर्वाचित हुने छन ।
उपाध्यक्षमा ज्योती राणा, पुरेन्द्रविक्रम लाखे, धिरेन्द्र प्रधान र राजेन्द्र वान्तवाको उम्मेदवारी परेको छ । यस्तै कोषाध्यक्षमा रतन टन्डनको नाममा सर्वसम्मत भएको छ ।
एक महासचिवका लागि ३ जनाको उम्मेदवारी परेको छ । लामा टेन्डी शेर्पा, छिमि उर्गेन गुरुङ र दिपराज गुरुङ महासचिवमा भिड्ने छन् ।
यस्तै नौ सदस्यका लागि ११ जनाको उम्मेदवारी परेको छ । सञ्जिव तुलाधार, रमेशकुमार श्रेष्ठ, निलेन्द्रराज श्रेष्ठ, तेजबहादुर गुरुङ, दिपकहर्ष बज्राचार्य, सुनिललकुमार श्रेष्ठ, बिनोद प्रजापती, अशोक रत्न बज्राचार्य, सलिम मिया अन्सारी, आङ टेन्डी शेर्पा र दानबहादुर तामाङ सदस्यका लागि भिड्ने छन् ।
यस अघि गएको साउन महिनामा चुनाव गर्ने भनिएपनि प्रक्रिया नपुगेको भन्दै स्थगित गरिएको थियो ।
