भदौ १७ काठमाण्डौं ।
मलेशियामा जारी अण्डर १९ एसीसी प्रमियर लिग अन्तर्गत अन्तिम खेलमा नेपालले आज साउदी अरेबिया विरुद्ध खेलिरहेको छ ।
साउदीले टस जीतेर व्याटीङ गरीरहेको छ ।
यो खबर तयार पार्दा सम्म साउदीले १७.४ ओभरमा ६ विकेट गु्माएर मात्र २४ रन जोडेको छ ।
नेपालका लागि दरिलो बलिङ गरेर सुसील कडेलले ३ तथा कप्तान सुनील धमलाले २ विकेट लिएका छन् । साउदीका एक व्याटस्म्यान रन आउट भएका थिए ।
२ चौका र एक छक्का प्रहार गरेका फैसल खानलाई सुनिलले आउट गरे पछि साउदी संकटमा परेको हो ।
आजको खेलमा नेपालले फराकीलो अन्तरले जीत हात पार्न सके र मलेशियाले अफ्गानिस्तानलाई हराउन सके उपाधी जीत्न सक्ने छ ।
तुलनात्मक रुपमा कमजोर प्रतिद्धन्दी साउदी विरुद्ध नेपालले जीत निकाल्ने अपेक्षा गरिएको छ ।
तर समुहमै सबै भन्दा बलियो अफ्गानिस्तानले सबै खेल जीतेकाले आज उसलाई हराउन मलेशियालाई सहज भने छैन ।
यस्तै आजै कुवेत र युएईबीचको खेल पनि जारी छ ।
