काठाडों, १४ भदौ ।
भारतबिरुद्धको मैत्रिपुर्ण फुटबल खेलमा नेपालले साफ अन्डर १९ च्याम्पियनसीपको उपाधि जितेका तीन प्लेयरलाईं प्लेईङ्ग सेटमा उतार्ने भएको छ ।
दुई दिन अघि राजधानीमा भारतलाई पराजित गर्दै उपाधि जितेपछि मुख्य खेलाडि रहेका कप्तान विमल घर्तिमगर, अन्जन विष्ट र अनन्त तामाङ्गलाई प्रशिक्षक ध्रुव केसीले मौका दिएका हुन् ।
जुमानु राई र अनिल गुरुङ्ग अनुभवी खेलाडीलाई बेन्चमा राख्दै केसीले बिमल र अन्जनलाई मौका दिएका छन ।
यस्तै, चोटग्रस्त डिफेन्डर सन्दिप राईको स्थानमा अनन्त तामाङ आएका हुन । योसँगै भारत बिरुद्धको मैत्रीपूर्ण खेलमा युवा खेलाडिको संख्या बढी भएको छ ।
यस्तै, गोलकिपरमा किरण चेम्जोङ, डिफेन्डरमा सागर थापा, रविन श्रेष्ठ, विराज महर्जन छन् । मिडफिल्डरमा जगजित श्रेष्ठ, विशाल राई बी, भरत खवास र रोहित चन्द्र छन् ।
दक्षिण एसियाली फुटबल प्रतियोगिता साफको तयारीमा रहेको नेपालले भारतसंग पुनेस्थित बालीवाडी रंगशालामा साँझ सवा ७ बजे मैत्रिपुर्ण म्याच खेल्दैछ ।
साफ अण्डर १९ च्याम्पियनसीप फुटवलमा गत शनिवार भारतलाई हराउदै उपाधि जितेको नेपालको सिनियर टोलीलाई लय समात्ने मौका समेत छ । नेपाल पछिल्ला आठ अन्तर्रा्ष्ट्रिय प्रतियोगितामा गोल गर्न असफल रहँदै आएको छ ।
दुई बर्ष अघि काठमाडौंमा भएको आठौ साफमा समुह चरणको अन्तिम खेलमा नेपालले भारतलाई २–१ ले हराएको थियो ।
सकिएको थियो ।
