काठमाडौ १४ भदौ ।
एसीसी अन्डर १९ प्रिमियर लिगमा आज भएको खेलमा मलेसियालाई पराजित गर्दै नेपाल ८ विकेटले विजयी भएको छ ।
क्वालालम्पूरको वायोमास ओभल मैदानमा भएको खेलमा मलेसियाले दिएको ७६ रनको लक्ष्य नेपाल १४ दशमलव ४ ओभरमा २ विकेट गुमाउदै भेट्टायो ।
नेपालका लागि आसिस धामीले ३८ र राजविर सिंहले ३३ रन बनाए । यस्तै सुनिल धमला ३ रनमा आउट भए । यसअघि टस जितेर पहिले ब्याटिङ गरेको मलेसिया ३८ ओभरमा मात्र ७५ रन बनाएर अल आउट भयो ।
मलेसियाका लागि पवनदिप सिंहले १७, संकर सतिसले १३ र भिमलान पालानिद्धिले १२ रन बनाउनु बाहेक अन्य ब्याट्सम्यानले दोहोरो अंकको स्कोर बनाउन सकेनन् ।
मलेसियाको इनिङ ध्वस्त पार्ने क्रममा अरिफ सेखले ४, दिपेश श्रेष्ठ र दिपेन्द्र सिंह ऐरीले समान २–२ तथा सुसिल कँडेलले १ विकेट लिए ।
यसअघि भएको पहिलो खेलमा नेपालले युएईलाई १ सय ४९ रनले पराजित गरेको थियो भने अफगानिस्तानसँग १० विकेटले पराजित भएको थियो ।
