काठमाण्डौ,११ भदौ ।
अखिल नेपाल फुटबल संघ एन्फाले नेपाली राष्ट्रिय टोलीका नवनियुक्त प्रशिक्षक प्याट्रिक असिम्सलाई मासिक ७ हजार डलर दिने जनाएको छ ।
एन्फाले आज पत्रकार सम्मेलन गरी असिम्सको तलवका लागि युवा तथा खेलकुद मन्त्रालयले सहयोग गर्ने जनाएको छ । साफ च्याम्पियनसिपलाई लक्षित गरेर असिम्सलाई ६ महिनाका लागि नेपाली राष्ट्रिय फुटबल टोलीको प्रमुख प्रशिक्षकमा नियुक्त गरिएको हो ।
बेल्जियमका पूर्व अन्तराष्ट्रिय खेलाडी असिम्सलाई हिजो मात्र एन्फाले टोलीको मुख्य प्रशिक्षक नियुक्त गरेको थियो । चार महिनापछि भारतमा साफ च्याम्पियनसिप फुटबल हुनेछ । यदि असिम्सले नेपालाई उपाधि दिलाए १५ हजार डलर बोनेस दिइने एन्फाले जनाएको छ ।
असिम्सले नेपाली टोलीको प्रशिक्षक हुन पाएकोमा खुसी व्यक्त गरेका छन् । भारतसँगको मैत्रिपूर्ण फुटबलपछि साफको तयारी थाल्ने उनले बताएका छन।
