काठमाडौं, भदौ १० ।
नेपाल यु–१९ साफ च्याम्पियनसिप फुटबलको फाइनलमा प्रवेश गरेको छ । अफगानिस्तानलाई ३–२ गोलले पराजित गर्दै नेपालले फाइनलमा स्थान सुरक्षित गरेको हो ।
ललितपुरस्थित एन्फा टेक्लिकल मैदानमा आज भएको पहिलो सेमिफाइनल खेलको ३४औं मिनेटमा अन्जन विष्टले गोल गर्दै नेपाललाई अग्रता दिलाएका थिए । त्यसको केही समयपछि नै अञ्जन विष्टले पेनाल्टीमार्फत् अर्को गोल गर्दै नेपालको अग्रता दोब्बर पारे ।
पहिलो हाफसम्म २ गोलले अगाडि रहेको नेपाल ५०औं मिनेटमा अनन्त तामाङले आत्मघाती गोल गरेपछि खेल २–१ को अवस्थामा पुग्यो । त्यसपछि ५१औं मिनेटमा सुनिल बलले नेपालका लागि अर्को गोल गर्दै टोलीलाई ३–१ को अग्रता दिलाए । अफगानिस्तानले ७३औं मिनेटमा अर्को गोल गर्दै खेलमा फर्कने प्रयास गरेको थियो ।
यसपछि दुबै टोलीबाट कुनै गोल हुन सकेन र नेपाल ३–२ को जित दर्ता गर्दै फाइनल प्रवेश गरेको हो । यसैगरी आज भएको अर्को सेमिफाइनलमा भारतले बंगलादेशलाई सडन डेथमा पराजित गर्दै फाइनलमा नेपालसंगको भेट पक्का गरेको छ ।
सातदोबाटोस्थित एन्फा कम्प्लेक्समा भएको खेलमा भारत र बंगलादेशले निर्धा्रित ९० मिनेटको खेल गोलरहित बराबरी खेलेको थियो । टाइब्रेकरमा ३(३ गोल भएपछि खेलको निर्णय सडन डेथमा पुग्यो ।
सडन डेथमा भारतका खेलाडीले गोल गरे । तर, बंगलादेशका रहमाटको प्रहार आकासियो र भारत सडन डेथमा ४(३ ले विजयी भयो । फाइनल खेल पर्सी हुने छ ।
