काठमाण्डौ, ३ भदौ ।
साफ यू(१९ च्याम्पियनसिप फुटबलमा नेपालले बिजयी सुरुवात गरेको छ । समुह चरणको आफ्नो पहिलो खेलमा नेपालले आज भुटानलाई ३(१ को पराजित गर्यो ।
ढसातदोबाटोस्थित एन्फा टेक्निकल सेन्टरको मैदान भएको खेलमा नेपाललाई जित दिलाउन कप्तान बिमल घर्तीमगरले ह्याट्रिक गरे । उनले खेलको पहिलो हाफमा २ तथा दोस्रो हाफमा १ गोल गरेका थिए ।
खेलको १० औं मिनेटमा बिमलले गोल गर्दै नेपाललाई १ गोलको अग्रता दिलाए तर, त्यसको १ मिनेट पछि नै भुटानले बराबरी गोल फर्कायो । भुटानका सोनाम तोग्बेले बराबरी गोल फर्काएका हुन् ।
२९ औं मिनेटमा बिमलले ब्याक्तिगत दोस्रो गोल गर्दा पहिलो हाफमा नेपालले २(१ को अग्रता लियो । दोस्रो हाफको ६२ औं मिनेटमा बिमलले आफ्नो ह्याट्रिक पूरा गरे । तर, ७३ औं मिनेटमा बिमलले पेनाल्टी मिस गरे ।
नेपालले अब भदौ ७ गते बंगलादेश विरुद्ध खेल्नेछ । दुवै समुहको शीर्ष दुई स्थानमा रहने टोली सेमिफाइनमा प्रवेश गर्नेछन् । प्रतियोगिताको फाइनल खेल भदौ १२ गते हुनेछ । प्रतियागितामा भारत, बंगलादेश, अफगानिस्तान, भुटान र माल्दिभ्स सहभागी छन ।
