काठमाडौं।, ३१ साउन ।
नेपालले १६ वर्षमुनिको साफ च्याम्पियनसिप फुटबलको फाइनल प्रवेशका लागि आइतबार भारतसँग प्रतिस्पर्धा गर्दैछ । शुक्रबार भएको खेलमा अफगानिस्तानलाई १–० ले हराउँदै नेपाल समुह बीको विजेता बनेर सेमिफाइनल यात्रा तय गरेको होे ।
नेपाल र भारतबीचको सेमिफाइनल खेल बंगलादेशको सिल्हेतमा नेपाली समयअनुसार बेलुका पौने सात बजेपछि सुरु हुनेछ ।नेपालले पहिलो खेलमा माल्दिभ्सलाई ५–० ले हराएको थियो भने समुह ए को उपविजेता बन्दै सेमिफाइनलमा पुगेको हो ।
नेपाल र भारतबीचको खेल अघि पहिलो सेमिफाइनलमा अफगानिस्तानले आयोजक बंगादेशको सामना गर्नेछ । बंगलादेश समुह एको विजेता बन्दै सेमिफाइनलमा आएको हो भने अफगानिस्तान समुह बीको उपविजेता बनेर सेमिफाइनलमा पुगेको हो ।
बंगलादेश र अफगानिस्तानबीचको खेल नेपाली समय अनुसार दिउँसो साढे दुई बजे सिल्हेतमै हुनेछ ।
नेपाल सन् २०११ मा काठमाडौंमा भएको १६ वर्ष मुनिको साफ च्याम्पियनसिपमा तेस्रो भएको थियो भने दोस्रो संस्करणमा दोस्रो भएको थियो ।
