काठमाडौ २९ साउन ।
साफ अन्डर १६ च्याम्पियसिपमा नेपालले आज अफगानिस्तानको सामना गर्दैछ ।
खेल नेपाली समय अनुसार आज साँझ पौने ५ बजे सुरु हुनेछ ।
बंगलादेशको सिलेटमा हुने आजको खेलमा जित हात पार्दै नेपाल समुह विजेता बन्ने दाउका साथ मैदान उत्रदैछ ।
आजको खेलमा बराबरी नतिजा निकालेमा पनि नेपाल समुह विजेता बन्नेछ ।
नेपाल र अफगानिस्तानको समान तीन अंक रहेको छ भने दुवै टोली यसअघि नै सेमिफाइनल पुगिसकेका छन् । समुह बी को लिग चरणको अन्तिम खेल दुवै टोलीका लागि प्रतिष्ठाको विषय रहेको छ । नेपालले यसअघि माल्दिभ्सलाई ५-० ले हराएको थियो ।
यस्तै अर्को खेलमा अफगानिस्तानले पनि त्यही प्रतिद्धन्द्धीलाई पराजित गरेपछि नेपाल र अफगानिस्तान प्रतियोगिताको अन्तिम चारमा प्रवेश गरेका हुन् । अफगानिस्तानले माल्दिभ्सलाई ४-२ ले पराजित गरेको थियो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
