काठमाडौं, २४ साउन ।
भूकम्प पीडितको सहयोगका लागि ब्याट फर नेपाल च्यारिटी खेलमा नेपाल विश्व ११ सँग ३७ रनले पराजित भएको छ ।
मलेसियाको राजधानी क्वालालम्पुरमा रहेको किन्रारा ओभल मैदानमा विश्व ११ ले दिएको १ सय ३६ रनको लक्ष्य पछ्याएको नेपाल १९ दशमलव २ ओभरमा पुरै विकेट गुमाएर मात्रै ९८ मा समेटियो ।
नेपालका अनिल मण्डल र राजु रिजालले समान १७, नरेश बुढाएर र सिदान्त लोहनीले समान १३ तथा शरद भेषवाकर र महबुब आलमले समान ११ रन बनाउनु बाहेक अरुले दोहोरो अंकमा रन जोडन नसकेपछि खेल विश्व ११ को पषमा गएको हो ।
विश्व ११ का सुरेश नभारत्ननले तीन विकेट लिए । यस्तै अब्दुर रज्जाक र सनत जसूर्याले समान दुई दुई विकेट लिए ।
यसअघि टस जितेर पहिले ब्याटिङ गरेको विश्व ११ ले १९ दशमलव ४ ओभरमा अलआउट हुँदै १ सय ३५ रन बनाएको थियो ।
विश्व ११ का लागि मार्कस स्टोइनसले ४८, वेणुगोपाल रावले २३, अहमद फैजले १८ तथा अब्दुर रज्जाकले १६ रन बनाए ।
