साउन १९, सल्यान
एसएलसी पुरक परिक्षा भोलीबाट सुरु हुदैछ । एसएलसीको पुरक परिक्षाको लागि सल्यानमा यसबर्ष १४ सय विद्यार्थी परिक्षामा सहभागि हुदैछन र परिक्षाको सम्पूर्ण तयारी पुरा भएको जिल्ला शिक्षा कार्यालय सल्यानले जनाएको छ । २०७१ को एसएलसीमा दुई विषय अनुतिर्ण हुने विद्यार्थी भोलीदेखि पुरकमा सहभागि हुदैछन ।
परिक्षा अमर्यादित हुने भन्दै पुरक परिक्षा अवधिभरी परिक्षा केन्द्र आसपासका व्यापारिलाई फोटोकपी पसल बन्द गर्न जिल्ला शिक्षा कार्यालय सल्यानले अनुरोध गरेको छ । साथै परिक्षा अवधिमा परिक्षाकेन्द्र आसपासमा होहल्ला र भिडभाड नगर्न पनि जिल्ला शिक्षा कार्यालयको अनुरोध छ ।
यसबर्षको पुरक परिक्षमा खलंगा र श्रीनगरमा ३ वटा परिक्षाकेन्द्र तोकिएको छ । जसमा निम बहादुर केसी, मधुसुदन शर्मा र माधव विक्रम जिसी केन्द्राध्यक्षको रुपमा खट्नेछन ।
गतबर्षको तुलनमा यसबर्ष ६ सय कम विद्यार्थी परिक्षामा सहभागी हुदैछन । १४ सय विद्यार्थीले भोलीदेखि पुरक परिक्षा दिदैछन । सल्यानमा सबैभन्दा बढि गणितमा ८ सय अनि विज्ञान र सामाजिक विषयका विद्यार्थीले पुरक दिदैछन । परिक्षा विहान ८ बजेबाट ११ बजेसम्म चल्नेछ । २७ गते ऐच्छिक द्धितियको परिक्षा दिएपछि सकिने परिक्षाको पहिलो दिन भोली अनिवार्य अंग्रेजीको परिक्षा हुदैछ ।
