काठमाडौ १५ साउन । श्रीलंका विरुद्धको पहिलो ट्वेन्टी ट्वेन्टी क्रिकेटमा पाकिस्तान २९ रनले विजयी भएको छ ।
गएराति कोलम्बोमा सम्पन्न खेलमा पाकिस्तानले प्रस्तुत गरेको १ सय ७६ रनको चुनौती पछ्याउने क्रममा श्रीलंका निर्धारीत २० ओभरमा ७ विकेटको क्षतिमा मात्र १ सय ४६ रनमा समेटियो ।
श्रीलंकाका लगि मिलिन्दा सिरिवर्दनले ३५, धनन्जय डी सिल्भा र चामरा कमपुगेदराले समान ३१ र एन्जोलो म्याथुजले २३ रन बनाउन बाहेक अन्य ब्याट्सम्यानले दोहोरो अंकको स्कोर बनाउन सकेनन् ।
श्रीलंकाको इनिङ कमजोर बनाउने क्रममा सोहिल तनभिरले ३ र अनवर अलीले २ विकेट लिए । यसअघि टस जितेर पहिले ब्याटिङ गरेको पाकिस्तानले निर्धारीत २० ओभरमा ५ विकेट गुमाउँदै १ सय ७५ रन बनाएको थियो ।
पाकिस्तानका लागि अहमद साहजाद,उमर अकमल र सोएब मल्लिकले समान ४६ र मोहम्मद हफिजले १७ रन बनाए । जितसँगै पाकिस्तानले २ खेलको ट्वेन्टी ट्वेन्टी श्रृँखलामा १–० को अग्रता लिएको छ ।
