काठमाण्डौ,१० साउन ।
टि २० बिश्वकप छनोट प्रतियागिताको उपाधीका लागि आज स्कटल्याण्ड र नेदरल्याण्ड भिड्ने भएका छन । खेल नेपाली समय अनुसार बेलुका सात बजे सुरु हुनेछ ।
हिजो भएको पहिलो सेमिफाइनलमा हङकङलाई ५ बिकेटले पराजित गर्दै स्कटल्याण्ड प्रतियोगिताको उपाधी नजिक पुगेको हो । द्रोस्रो सेमिफाइनलमा आयोजक आयरल्याण्डलाई ५ बिकेटले पराजित गर्दै नेदरल्याण्डले स्कटल्याण्डसंगको भेट पक्का गरेको हो ।
आयरल्याण्डले प्रस्तुत गरेको १ सय २९ रनको लक्ष्य नेदरल्याण्डले १८ दशमलव १ ओभरमा ५ विकेटको क्षतिमा भेट्टायो । नेदरल्याण्डका बेन कुपरले ४३, पिटर ब्रोनले नटआउट ३६, माइकल स्वर्टले २१ तथा म्याक्स ओडाउडले १७ रनको योगदान दिएका थिए । आयरल्याण्डका केभिन ओब्रायनले तीन विकेट लिए ।
यसअघि पहिले ब्याटिङ गरेको आयरल्याण्डले खेल सकिन एक बल बाँकी हुँदा सबै विकेट गुमाएर १ सय २८ रन बनायो । आयरल्याण्डका केभिन ओब्रायनले ३३, एन्डी बालब्रिनीले ३१, ग्रे विल्सनले २० तथा पल स्टर्लिङले १८ रनको योगदान दिएपनि त्यो जितका लागि पर्याप्त भएन ।
