काठमाडौं, ५ साउन ।
सुनको भाउ अन्तराष्ट्रिय बजारमा विगत पाँच वर्षयताकै सस्तो भएको छ । विश्व बजारमा भाउ घटेकाले यसको प्रत्यक्ष प्रभाव नेपाली बजारमा पनि परेको छ ।
चीनले सुनको मौज्यात घटाएपछि बजारमा आपूर्ति बढ्न गई भाउमा गिरावट आएको अन्तर्रा्ष्ट्रिय सञ्चारमाध्यमले जनाएका छन । यसैगरी, अमेरिकी डलर मजबुत बन्दै जाँदा सुनको भाउमा नकारात्मक असर पर्नुको अर्को मुख्य कारण देखिएको छ ।
अन्तर्रा्ष्ट्रिय बजारमा हिजो प्रतिऔंस सुनको मूल्य एक हजार ७२ अमेरिकी डलरसम्म पुगेको छ । नयाँ बजेटमार्फत सरकारले भन्सार दर कम गरेकाले पनि स्थानीय बजारमा सुनको भाउ थप घट्न सक्ने सुन व्यवसायीले बताएका छन्।
नेपाली बजारमा सुनको भाउ प्रतितोला ४९ हजार ५ सय रुपैयाँ आइपुगेको छ । विगत लामो समयदेखि नेपाली बजारमा सुनको भाउ ५० देखि ५२ हजारको हाराहारीमा कारोबार हुँदै आएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
