काठमाण्डौ, ३० असार ।
विश्वकप ट्वेन्टी–२० छनोट क्रिकेट प्रतियोगिताको चौथो खेलमा नेपाल हङकङसग ५ विकेटले पराजीत भएको छ । यो पराजय सगै नेपालको विश्व कप छनौट कमजोर बनेको छ ।
टस हारेर नेपालले पहिले ब्याटिङ गरेको नेपालले कमजोर प्रदर्शन गर्दै हङकङलाई १ सय १० रनको चूनौती दिएको थियो । नेपालको चूनौती हङकङले ५ विकेट गुमाएर १९.१ ओभरमा पुरा गऱ्यो । नेपालका लागि बसन्त रेग्मीले सर्वाधीक ४ विकेट लिए भने सोमपाल कामीले एक विकेट लिए ।
नेपालको शुरुवात आज पनि राम्रो रहेन । ओपनर सुभाष खकुरेल २ रनमा आउट भए । ज्ञानेन्द्र मल्ल शुन्य रनमै आउट भए भने पारस खड्का १ रनमा आउट भए । त्यसै गरी प्रदीप ऐरी पनि शुन्य रनमै आउट भए ।
नेपालको पारी राजेश पुलामीले केही उकासे । उनले कुल ३४ बलमा २ छक्का सहित २५ रन जोडे । त्यसै गरी शरद भेस्वाकरले २४ बलमा २ चौका र १ छक्का सहित २७ रन जोडे । बसन्त रेग्मीले ११ रन जोडे ।
सोमपाल कामीले १६ रनमा आउट भए । उनले १ छक्का प्रहार गरे । शक्ति गौचन २ रनमा अन्तिम ओभरकोअन्तिम बलमा आउट भए ।
हङकङका हाशिब आमजादले ४ विकेट लिए पछि नेपाल धरापमा परेको थियो । हङकङका लागि निजाकात खानले सर्वाधीक २५ रन जोडे ।
यस अघि आयरल्याण्ड विरुद्ध कमजोर प्रदर्शन गरेको नेपालले नामिवियासग‘ अंक बाड्यो भने अमेरीका विरुद्ध जीत निकालेको थियो ।
