भक्तपुर ।
गत बैशाख १२, १३ र २९ गते गएको महाबिनाशकारी भूकम्पपीडितालाई थाइ नेपाली एसोसियसन थाइल्याण्डले सहयोग प्रदान गरेको छ ।
एसोसियनले सिन्धुपाल्चोकमा ४० वटा, काठमाडौंको मच्छेगाउँमा ४ वटा घर टहरा निर्माण गरि दिइएको छ ।
त्यस्तै, भक्तपुरको मुनिविहारको पुननिर्माणका लागि एक लाख रुपैयाँ समेत सहयोग गरेको छ । एसोसियसनले काठमाडौंको भृकुटीमण्डपमा कलाकारहरुको सहभागितामा रक्तदान कार्यक्रम पनि सम्पन्न गरेको छ ।
रक्तदान कार्यक्रममा गायक आनन्द कार्की, गायिका इन्दिरा जोशी, नायक दिलिप रायमाझी, हाँस्यकलाकार किरण के.सी. (राता मकै) लगायत चिन्तामणि योगीको समेत सहभागिता रहेको थियो ।
कार्यक्रममा १६० जनाले रक्तदान गरेका थिए । विपत् पश्चात सहयोगी हातहरुको सहयोग पाएका विभिन्न स्थानका स्थानियहरुले सहयोगी हातहरुले यसरी नै पिडितको पहिचान गरि सहयोग गर्ने संस्थाहरुको अझैं आवश्यकता रहेको बताउँछन् ।
