काठमाण्डौ,१६ असार ।
अर्जे्न्टिना कोपा अमेरिका फुटबल प्रतियोगिताको उपाधी नजिक पुगेको छ । आज बिहान भएको खेलमा पराग्वेलाई ६–१ गोल अन्तरले पराजित गर्दै अर्जे्न्टिनाले उपाधी नजिक पुगेको हो ।
अर्जे्न्टिनाले १५ औं मिनेटमा मार्कोस रोजोको गोल मार्फत गोलको खाता खोलेको थियो । २७ औं मिनेटमा जाभियर पास्टोरेले अर्जे्निटनाको अग्रता दोब्बर पारे , ४३ औं मिनेटमा पराग्वेका लुकार वारियसले गोल गर्दै खेल २–१ मा पुर्याए ।
पराग्वेले दोश्रो हाफमा थप ४ गोल खायो । दोश्रो हाफको दोश्रो मिनेटमानै लियोनन मेस्सीको पासमा एन्जल डी मारियाले गोल गरे । तेश्रो गोलको ६ मिनेट वित्न नपाउँदै दोश्रो हाफको ८ औं मिनेटमा मेस्किकै पासमा मारियाले अर्जे्न्टिनाको अग्रता ४–१ मा पुर्याए ।
दोश्रो हाफको ३५ औं मिनेटमा सर्जियो एग्युरो र ३८ औं मिनेटमा हिग्गुइनले गोल गरेपछि अर्जे्न्टिना ६–१ को फराकिलो जितका साथ फाइनल प्रवेश गर्यो ।
अब उपाधीका लागि अर्जे्न्टिनाले आयोजक चिलीसँग प्रतिस्पर्धा गर्नेछ ।
