इपिएस परिक्षामा सहभागी हुन विहिवार देखि आवेदन खुल्ला गरिएको छ ।
सर्वोच्च अदालतले संविधान प्रदत्त रोजगारीको हक सुरक्षित गर्न सरकारलाई आदेश दिएपनि नेपालीको लागि विदेश नै रोजगारीको प्रमुख रोजाई बनेको छ ।
आगामि वर्ष ७ हजार १ सय कोटाको लागि खुलाइएको कोरियाली भाषा परिक्षा इपिएसमा उत्पादनमुलक तर्फ ४ हजार नौ सय र कुषि तथा पशुपालन तर्फ २ हजार २ सय नेपालीहरु कोरिया जान पाउनेछन् ।
परिक्षाका लागि विहान ८ देखि साँझ ५ बजे सम्मको समय तोकिएको छ भने उपत्यककामा ५ स्थान तथा उपत्यका बाहिर ५ स्थानबाट फारम भर्ने व्यवस्था मिलाइएको छ ।
यसपटकको इपिए परिक्षा आगामि जेष्ठ ३० र ३१ गते सञ्चालन हुदैछ । फारम बुझाउन लागि उपत्यका बाहिर ५ वटा केन्द्र राखिएपनि पोखरा बाहेक अन्य स्थानबाट आवेदन दिनेहरु परिक्षाको लागि भने काठमाण्डौ नै आउनु पर्ने बाध्यता कायमै छ । सन् २०१६ मा कोरिया जानको लागि अहिले आवेदन खुल्ला गरिएको हो ।
सन् २००८ देखि सुरु भएको यस रोजगारी अनुमति प्रणाली अन्तर्रगत हाल २६ हजार नेपाली कोरियामा कार्यरत रहेका छन् । कोरियामा रोजगारीका लागि अनिवार्य रुपमा भाषा परिक्षा पास गर्नुपर्ने हुन्छ ।
हाल कोरियामा कार्यरत कामदारले मासिक न्यूनतम एक लाख नौ हजार रुपैया कमाउन सक्छन् । रोजगारीको सुरक्षित गतव्य, मासिक आम्दानी तथा ओभरटाइम समेत गर्न मिल्ने भएकोले नेपाली युवाको आर्कषण बढेको हो ।
