काठमाडौं, १४ असार ।
चीनले सहमति दिएपछि सीमा क्षेत्रमा पहिरो नथामिए पछि खासा क्षेत्रमा रोकिएका कन्टेनर ल्याउन थप कठिनाई उत्पन्न भएको छ ।
भूकम्पले चिरा परेको डाँडा धमाधम बग्न थालेपछि बाह्रविसे(तातोपानी खण्डको २६ किमी सडकमा डेढ यातायातसञ्चालन हुन सकेको छैन ।
चिनियाँ र नेपालीबीच शनिबार मितेरी पुल बजारमा भएको वार्तामा कन्टेनर तत्काल छाड्ने सहमति भएको थियो । वैठकमा नेपालको तर्फबाट ल्हासाका लागि वाणिज्य दूत हरिप्रसाद बस्यालले नेतृत्व गरेको टोलीले कनटेनर छाड्ने प्रत्रिया मिलाउन चिनियाँ टोलीलाई आग्रह गरेको थियो ।
तातोपानी भन्सार, अध्यागमन र नेपालहिमालय सीमापार वाणिज्य संघका पदाधिकारीको टोलीले वैठकमा सहभागी थियो । चाकूदेखि मितेरी पुलसम्म सडकको अवस्था अत्यन्त नाजुक भएपछि कन्टेनर छाड्ने प्रक्रिया सुरु हुन सकेको छैन ।
बैठकमा सहभागी बाणिज्य संघका अध्यक्ष विष्णुबहादुर खत्रीका अनुसार खासा क्षेत्रमा पहिराले पाँच वटा कन्टेनर आंशिक र एउटा पूर्ण रुपमा क्षति भएको प्रारम्भिक अनुमान छ ।
सडक डिभिजन कार्यायलका अनुसार सडकमा ठूला चट्टान थुप्रेकाले पन्छाउन कठिन भैरहेको छ ।सव इन्जिनियर श्रवणकुमार मण्डलका अनुसार सातादेखि लागातार मेशिन लगाईरहेपनि सडक सुचारु गर्न सकिएको छैन ।
