काठमाडौं, १३ असार ।
चिलीमा जारी कोपा अमेरिका फुटबल प्रतियोगितामा ब्राजिल क्वारफाइनलबाटै बाहिरिएको छ । आज बिहान सम्पन्न अन्तिम क्वाटरफाइनल खेलमा पराग्वेसँग टाइब्रेकरमा पराजित हुँदै ब्राजिल प्रतियोगिताबाट बाहिरिएको हो ।
जितसंगै टाइब्रेकरमा पराग्वेले खेल ४–३ ले आफ्नो पक्षमा पारेको छ । नकै प्रतिस्पर्धात्मक भएको आजको खेलमा निर्धारीत र थपिएको समयमा समेत खेल १–१ गोलको बराबरीमा सकिएपछि खेलको निर्णय टाइब्रेकरबाट लिनु परेको थियो ।
पहिलो हाफको १५ औ मिनेटमा रोविन्होलो गोल गर्दै ब्राजिललाई अग्रता दिलाए पनि जीतका लागि त्यो प्रयाप्त हुन सकेन । दोश्रो हाफको २६ औं मिनेटमा पराग्वेले पेनाल्टीको अवसर प्राप्त गरेपछि पराग्वेका लागि डेरलिस गोन्जालेजले गोल गर्दै खेल बराबरीमा ल्याए ।
त्यसपछि कुनै टोलीबाट गोल हुन सकेन र खेल टाइब्रेकर तर्फ होे । फाइनल प्रवेशका लागि पराग्वे र अर्जेन्न्टिनाबिच प्रतिस्पर्धा हुनेछ ।
