काठमाण्डौ, १२ असार ।
फ्रान्समा भएको ८० किलोमिटरको मोन्ट ब्लंक म्याराथनको उपाधि नेपाली चेली मीरा राई जितेकी छिन् ।
शनिबार भएको ८० किलोमिटरको मोन्ट ब्लंक म्याराथनमा मीरा महिलातर्फ पहिलो भएकी हुन् । पूर्व माओवादी लडाकू समेत रहेकी मिराले निर्धारित दुरी १२ घन्टा ३२ मिनेट ३२ सेकेण्डमा पुरा गरेकी छन् ।
म्याराथनमा स्पेनकी अन्ना कोमिट दोस्रो र अमेरिकीकी हिलारी एलिन तेस्रो भएकी छिन् ।भोजपुरमा जन्मिएकी मीरा १४ वर्षको उमेरमा माओवादी बनेर लडाकू रहेकी उनलाई माओवादी शान्ति प्रक्रियामा आएपछि सुरु भएको सेना समायोजनका क्रममा अयोग्य भन्दै निकालिएको थियो ।
उनले गत वर्ष हङकङ आइल्याण्ड ट्रेल रेस जितेकी थिइन् । लगतै साउथ चाइना मर्निङ पोष्टमा उनको जीवन सर्घषका कथा आएपछि उनी अन्तराष्ट्रिय स्तरमै चर्चाको विषय बन्न पुगेकी थिइन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
