काठमाडौं, जेठ २३ ।
भूकम्प पीडितको सहयोगका लागि आज राजनीतिक दलका नेता र कलाकारबिच मैत्रीपुर्ण फुटवल हुँदैछ ।
सशस्त्र प्रहरीको खेलमैदान हलचोकमा अपरान्न ३ बजे सुरु हुने खेलमा नेताको टीमबाट प्रधानमन्त्री सुशिल कोइराला, एमाले अध्यक्ष केपी शर्मा ओली, एकीकृत नेकपा माओबादीका अध्यक्ष पुष्पकमल दाहाल, राप्रपा नेपालका अध्यक्ष कमल थापा, पुर्व प्रधानमन्त्रीहरु शेरवहादुर देउवा, माधवकुमार नेपाल, झलनाथ खनाल, बाबुराम भट्टराई, युवा नेताहरु गगन थापा, रविन्द्र अधिकारी बर्षमान पुन लगायत सहभागी हुनेछन् ।
यसैगरी कलाकारको टोलीमा हाँस्यकलाकार मदनकृष्ण श्रेष्ठ, हरिबंश आचार्य, दिपकराज गिरी, दिपाश्री निरौला, नायिका मनिषा कोइराला, करिष्मा मानन्धर, झरना थापा, नायक दिलिप रायमाझी लगायत सहभागी हुनेछन् । खेलको राष्ट्रपति डाक्टर रामबरण यादवले उद्घाटन गर्नुहुनेछ ।
जनही ५ सय रुपैयाँको टिकट विक्रि तथा नेता र कलाकारले लगाएका जर्सी बेचेर संकलन हुने रकम भुकम्प पीडितलाई प्रदान गर्ने आयोजकले जनाएको छ । प्रतियोगिताको आयोजना नयाँ पत्रिका दैनिकले गरेको हो ।
