काठमाण्डौं २२ जेष्ठ ।
पछिल्लो समय अन्तराष्ट्रिय स्तरमा कमजोर प्रदर्शनसगै नेपाली फुटबल लगातार ओरालो लाग्ने क्रममा मे महिनाको फिफा बरियतामा फेरी एक पटक २ स्थान तल झर्दै दक्षिण एशियाकै पुछारमा पुगेको छ । श्रीलका पनि नेपाल समान १ सय ८६ मै रहेको छ ।
नेपाल १ सय ८४ बाट २ स्थान तल झर्दै १ सय ८६ स्थानमा ओर्लिएको छ । लामो समय पुछारमा रहेको भुटान ४ स्थान माथि उक्लदै १ सय ५९ औं स्थानमा पुगेको छ ।
दक्षिण एशियाको शीर्ष स्थानमा रहेको भारत १ सय ४१ स्थानमा छ ।
अफ्गानीस्तान १ सय ५१, बंगलादेश १ सय ६६ , पाकिस्तान १ सय ७० र माल्दिभ्स १ सय ७८ स्थानमा रहेको छ ।
एन्फा भित्रको आन्तरीक विवाद, फुटवल संरचनाको विकास कमजोर देखिनु आदि कारणले नेपाली फुटबलको ईतिहास लामो भए पनि प्रगति सन्तोषजनक हुन सकेको छैन ।
उमेर समुहमा उत्कृष्ट देखिने टिम राष्ट्रिय टिममा पुगे पछि फितलो देखिदै आएका छन् ।
व्यापक अन्तराष्ट्रिय मैत्रीपूर्ण खेलहरु, आन्तरीक प्रशिक्षण , शारीरीक सन्तुलन र नया रणनीतिको विकास नेपाली फुटबलमा निकै आवस्यकता रहेको विज्ञहरुले औल्याउदै आएका छन् ।
