बैशाख ३१ काठमाण्डौं ।
अहिले काठमाण्डौं उपत्यकामा लगातारको भूकम्प पछि विस्थापित बनेका नागरिकहरुमा राहत वितरणमा विभेद देखिएको छ ।
ठाउ ठाउमा घर भत्किएका घरबेटीले राहत पाए पनि सगै घरमा बस्ने भाडा वालले राहत नपाएको देखिएको छ । कर्मचारी र स्थानीय प्रतिनिधिहरुले यसरी राहतमा विभेद गरेको गुनासो पीडितहरुले गरेका छन् ।
सानेपा स्थित काग्रेस केन्द्रीय कार्यलय अगाडी बागमती नदी छेउमा बसिरहेका मध्य भाडामा बस्नेलाई राहत छैन भन्दै त्रिपाल लगायतका कुनै पनि राहत नदिएको झापाका दाताराम अधिकारीले मिर्मिरेलाई जानकारी दिनु भयो ।
सानेपामा रहेको बीपी पार्क र मनमोहन पार्कमा अहिले घरवालादेखि भाडा वाला सम्म भूकम्प प्रभावितहरु बसिरहेका छन् ।
एउटै त्रिपालमुनि बसेका घरबेटीलाई पाल , दाल चिउरा सहितको राहत सामाग्री दिईएको छ भने सोही घरमा बसेका भाडावालाहरु सोही त्रिपालमा घरबेटी सगैं बसे पनि उनीहरुले राहत पाएका छैनन् ।
मनमोहन पार्कका अध्यक्ष राजेन्द्र थापाले घरवालालाई मात्र राहत दिने भन्दै भाडामा बस्नेलाई नदिने भनेको पीडितहरुको गुनासो छ ।
भाडामा बसे पनि घरमा बसे पनि एउटै त्रिपाल मुनि बसेका घरबेटीले राहत पाएका छन् भने भाडामा बस्नेले रित्तो हात फर्कनु परेको छ ।
सो विषयमा त्याहा बसिरहेका प्रतिनिधिहरुले जिल्ला प्रशासन कार्यलय, प्रहरी कार्यलय र वडा कार्यलयमा गएर माग गर्दा समेत केही नपाएको गुनासो गरेका छन् ।
