काठमाडौ, २७ वैशाख ।
स्पेनिस ला लिगा फुटबल अन्तरगत गएराति भएको खेलमा बार्सिलोनाले रियल सोसिडाडलाई २–० ले पराजित गरेको छ । जितसँगै बार्सिलोना स्पेनिस ला लिगा फुटबलको उपाधिको नजिक पुगेको छ । नेइमार र पेड्रोको गोलको मदतमा बार्साले उपाधि संम्भवना बलियो बनाएको हो ।
खेलको ५१ औं मिनेटमा नेइमारले गोल गर्दै बार्सालाई सुरुवाती अग्रता दिलाए । ८५ औं मिनेटमा पेड्रोले गोल गर्दै बार्सालाई २–० को जित दिलाएका छन् । लिगमा दुई खेल बाँकी हुँदा बार्सिलोनाको दोस्रो स्थानको रियल मड्रिडभन्दा ४ अंक बढी छ ।
बार्साले अब एउटा मात्रै खेल जितेपनि लिगको उपाधि हात पार्नेछ । उसले अब एथ्लेटिको मड्रिड र डिपोर्टिभो ला कोरुनासँग खेल्न बाँकी छ । बार्साको ३६ खेलबाट ९० अंक भएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
